आधुनिक मुली

अलिकडे मालिकांमध्ये आधुनिक तरूण मुलींचं चित्रण फार विनोदी पद्धतीने केलेलं असतं. त्यांच्या लेखी आधुनिक मुली म्हणजे कायम रंगरंगोटी केलेल्या, ब्रँडेड आणि तोकडे कपडे घालणाऱ्या, फक्त पिझ्झा, पास्ता, नूडल्स असंच खाणाऱ्या, शॉपिंग करण्यात कायम बुडालेल्या अशाच असतात. केवढं हे सर्वसाधारणीकरण. बरं, समजा तशा त्या असल्या तर त्यात वाईट काय आहे? त्यांना आपल्या मनाप्रमाणे जगण्याचा, खाण्याचा अधिकार आहे . पुरूषांनी हे सगळं केलेलं चालतं की. पण एकही पुरूष पात्र असं विनोदी प्रकारे उभं केलेलं दिसत नाही. याचा अर्थ रोख फक्त मुलींवरच आहे. आज एबीपी माझावर “स्त्रीलिंगी पुल्लिंगी ” या वेब मालिकेत काम करणाऱ्या मुली शिव्या घालतात, दारू पितांना दाखवल्यात म्हणून त्यांना ट्रोलिंग करण्यात येतंय असं त्या मुली सांगत होत्या. म्हणजे मुलींनी शिव्या देऊ नयेत का? १९९३ सालची घटना आहे. माझ्या कार्यालयातल्या एका देखण्या मैत्रिणीला तिच्या दूरध्वनिवर समोरून पुरूषी आवाजात “हाय डार्लिंग” असं कुणीतरी म्हटल्यावर तिने चक्क भकारी शिव्यांची लाखोली वाहिली, त्यानंतर त्या व्यक्तीने कधीही पुन्हा असं करायचं धाडस केलं नाही. त्यानंतर एक दोन वर्षांनी मलाही रात्री असे कुठून कोण जाणे पण निनावी फोन यायला लागले. मी या मैत्रीणीचा कित्ता गिरवला (अर्थात मला भकारी शिव्या येत नव्हत्या, पण ज्या काही येत होत्या त्या झाडल्या) आणि काय नवल चक्क तो प्रकार थांबला. तर बायकांना शिव्यांचा असाही उपयोग होतो. आणि कुणी शिव्या घालूच नयेत असं तुम्हाला वाटत असेल तर सगळ्यांनाच मनाई करा की. त्या जाहिरातीतल्या मुलीसारखं म्हणायचं तर “Why boys should have all the fun?”

3 thoughts on “आधुनिक मुली

  1. कोणत्या शिव्या ठाऊक आहेत, हे विशेष महत्त्वाचे नसावे. आवाजातील धार व ऊर्जा महत्त्वाची असावी. आणि या गोष्टी तुझ्या आवाजात आहेतच.

    Liked by 1 person

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out /  बदला )

Twitter picture

You are commenting using your Twitter account. Log Out /  बदला )

Facebook photo

You are commenting using your Facebook account. Log Out /  बदला )

Connecting to %s